junun-e-be-sar-o-saman baDe shakeb mein hai

junūn-e-be-sar-o-sāmāñ baḌe shakeb meñ hai

ki taar ab koī dāman meñ hai na jeb meñ hai

muāshra hai ye qaa.em ba-vasf-e-nādānī

har ek shaḳhs kisī shaḳhs ke fareb meñ hai

bulandiyoñ pe chaḌhāyā hai zor se paanī

kiyā na dhyān ki bastī bhī ik nasheb meñ hai

ḳharāb jab se huī bāġhbān kī niyyat

shamīm-o-zā.iqa kam-kam gulāb-o-seb meñ hai

jamāl-e-zāt rahīn-e-takallufāt nahīñ

ye kam-numā hai jo poshāk dīda-zeb meñ hai

junun-e-be-sar-o-saman baDe shakeb mein hai

ki tar ab koi daman mein hai na jeb mein hai

muashra hai ye qaem ba-wasf-e-nadani

har ek shaKHs kisi shaKHs ke fareb mein hai

bulandiyon pe chaDhaya hai zor se pani

kiya na dhyan ki basti bhi ek nasheb mein hai

KHarab jab se hui baghban ki niyyat

shamim-o-zaiqa kam-kam gulab-o-seb mein hai

jamal-e-zat rahin-e-takallufat nahin

ye kam-numa hai jo poshak dida-zeb mein hai