junun-e-dil na sirf itna ki ek gul pairahan tak hai

Majrooh Sultanpuri

junun-e-dil na sirf itna ki ek gul pairahan tak hai

Majrooh Sultanpuri

MORE BYMajrooh Sultanpuri

    junūn-e-dil na sirf itnā ki ik gul pairahan tak hai

    qad o gesū se apnā silsila dār-o-rasan tak hai

    magar ai ham-qafas kahtī hai shorīda-sarī apnī

    ye rasm-e-qaid-o-zindāñ ek dīvār-e-kuhan tak hai

    kahāñ bach kar chalī ai fasl-e-gul mujh ābla-pā se

    mire qadmoñ gul-kārī bayābāñ se chaman tak hai

    maiñ kyā kyā jura.a-e-ḳhūñ gayā paimāna-e-dil meñ

    balā-noshī mirī kyā ik mai-e-sāġhar shikan tak hai

    na āḳhir kah sakā us se mirā hāl-e-dil-e-sozāñ

    mah-e-tābāñ ki jo us sharīk-e-anjuman tak hai

    navā hai jāvedāñ 'majrūh' jis meñ rūh-e-sā.at ho

    kahā kis ne mirā naġhma zamāne ke chalan tak hai

    junun-e-dil na sirf itna ki ek gul pairahan tak hai

    qad o gesu se apna silsila dar-o-rasan tak hai

    magar ai ham-qafas kahti hai shorida-sari apni

    ye rasm-e-qaid-o-zindan ek diwar-e-kuhan tak hai

    kahan bach kar chali ai fasl-e-gul mujh aabla-pa se

    mere qadmon ki gul-kari bayaban se chaman tak hai

    main kya kya jura-e-KHun pi gaya paimana-e-dil mein

    bala-noshi meri kya ek mai-e-saghar shikan tak hai

    na aaKHir kah saka us se mera haal-e-dil-e-sozan

    mah-e-taban ki jo us ka sharik-e-anjuman tak hai

    nawa hai jawedan 'majruh' jis mein ruh-e-saat ho

    kaha kis ne mera naghma zamane ke chalan tak hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY