junun-e-ishq jise sar-phira bana dega

Moid Rahbar

junun-e-ishq jise sar-phira bana dega

Moid Rahbar

MORE BY Moid Rahbar

    junūn-e-ishq jise sar-phirā banā degā

    pahāḌ kaaT ke vo rāsta banā degā

    ḳhumār-e-husn salāmat rakhe ḳhudā us

    jahāñ vo chāhe vahāñ mai-kadā banā degā

    usī ke qabza-e-qudrat meñ haiñ sabhī ke dil

    vo jis ko chāhe use pārsā banā degā

    ghirā huā mujhe dekhegā jab nadāmat meñ

    vo merī aah ko harf-e-duā banā degā

    mirā zamīr ab merā rahnumā Thahrā

    ye har maqām pe mujh ko baḌā banā degā

    jo dekh legā tumheñ koī manchalā mausam

    tumhārī zulf se kaalī ghaTā banā degā

    dūsroñ se hai bartar na ye samajh 'rahbar'

    ye e'tibār tujhe khokhlā banā degā

    junun-e-ishq jise sar-phira bana dega

    pahaD kaT ke wo rasta bana dega

    KHumar-e-husn salamat rakhe KHuda us ka

    jahan wo chahe wahan mai-kada bana dega

    usi ke qabza-e-qudrat mein hain sabhi ke dil

    wo jis ko chahe use parsa bana dega

    ghira hua mujhe dekhega jab nadamat mein

    wo meri aah ko harf-e-dua bana dega

    mera zamir hi ab mera rahnuma Thahra

    ye har maqam pe mujh ko baDa bana dega

    jo dekh lega tumhein koi manchala mausam

    tumhaari zulf se kali ghaTa bana dega

    tu dusron se hai bartar na ye samajh 'rahbar'

    ye e'tibar tujhe khokhla bana dega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY