junun kam justuju kam tishnagi kam

junūñ kam justujū kam tishnagī kam

nazar aa.e na kyuuñ dariyā bhī shabnam

ba-hamdillāh tū hai jis kā hamdam

kahāñ us qalb meñ gunjā.ish-e-ġham

tavajjoh be-nihāyat aur nazar kam

ḳhushā ye iltifāt-e-husn-e-barham

mirī āñkhoñ ne dekhā hai vo aalam

ki har aalam hai laġhzish-hā-e-paiham

ḳhatā kyūñkar na hotī āfiyat-soz

ki jannat hī na thī merāj-e-ādam

ḳhushā ye nisbat-e-husn-o-mohabbat

jahāñ baiThe nazar aa.e hamīñ ham

vo ik husn-e-sarāpā allāh allāh

ki jis kī har adā aalam hī aalam

kahāñ pahlū-e-ḳhurshīd-e-jahāñ-tāb

kahāñ ik nāznīñ doshīza shabnam

masarrat zindagī kā dūsrā naam

masarrat kī tamannā mustaqil ġham

junun kam justuju kam tishnagi kam

nazar aae na kyun dariya bhi shabnam

ba-hamdillah tu hai jis ka hamdam

kahan us qalb mein gunjaish-e-gham

tawajjoh be-nihayat aur nazar kam

KHusha ye iltifat-e-husn-e-barham

meri aankhon ne dekha hai wo aalam

ki har aalam hai laghzish-ha-e-paiham

KHata kyunkar na hoti aafiyat-soz

ki jannat hi na thi meraj-e-adam

KHusha ye nisbat-e-husn-o-mohabbat

jahan baiThe nazar aae hamin hum

wo ek husn-e-sarapa allah allah

ki jis ki har ada aalam hi aalam

kahan pahlu-e-KHurshid-e-jahan-tab

kahan ek naznin doshiza shabnam

masarrat zindagi ka dusra nam

masarrat ki tamanna mustaqil gham