junun ki rasm zamane mein aam ho na saki
junūñ kī rasm zamāne meñ aam ho na sakī
havas thī chaah vafā kī ġhulām ho na sakī
likhe the dār-o-rasan jis kisī kī qismat meñ
phir us kī zulf ke saa.e meñ shaam ho na sakī
mirī udāsī kā baa.is shab-e-firāq nahīñ
basar ye raat ba-sad-ehtimām ho na sakī
mirī nigāh uThī hī rahī sū-e-jānāñ
tajalliyoñ meñ ghirī ham-kalām ho na sakī
ravā jahāñ ko ki majnūñ ko sañgsār kare
qabā-e-zīst junūñ kī niyām ho na sakī
ḳhirad kī baat bhī sunte kahāñ milī fursat
junūñ kī baat lahad tak tamām ho na sakī
junun ki rasm zamane mein aam ho na saki
hawas thi chah wafa ki ghulam ho na saki
likhe the dar-o-rasan jis kisi ki qismat mein
phir us ki zulf ke sae mein sham ho na saki
meri udasi ka bais shab-e-firaq nahin
basar ye raat ba-sad-ehtimam ho na saki
meri nigah uThi hi rahi su-e-jaanan
tajalliyon mein ghiri ham-kalam ho na saki
rawa jahan ko ki majnun ko sangsar kare
qaba-e-zist junun ki niyam ho na saki
KHirad ki baat bhi sunte kahan mili fursat
junun ki baat lahad tak tamam ho na saki
- Book : Salsabeel (Pg. 12)
- Author : Ahmed Shahid Khan
- Publication : Ahmed Shahid Khan, Dep. Electronics Enginering (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
