junun mein qalb-o-jigar ke TukDon ke marhalon se guzar gaya hun

junūñ meñ qalb-o-jigar ke TukḌoñ ke marhaloñ se guzar gayā huuñ

maiñ ashk ban kar salīb-e-mizhgāñ pe reza-reza bikhar gayā huuñ

baḌā dilāvar baḌā saḳhī huuñ ki dushmanoñ kī kamīn-gah meñ

maiñ aaj apne hī neze kī nok pe le ke apnā hī sar gayā huuñ

mire a.izzā mujhe baToreñ ki maiñ bhī yak-musht mar ke dekhūñ

ki vaqfe-vaqfe se thoḌā thoḌā bahut sī qistoñ meñ mar gayā huuñ

har ek manzar vaqār-e-sher-o-adab kī saudāgarī kā manzar

maiñ ḳhvāb meñ huuñ ki jāgtā huuñ maiñ jī rahā huuñ ki mar gayā huuñ

mirā shu.ūr-o-shi.ār-o-ash.ār sab had-e-lā-shu.ūr meñ haiñ

bisāt-e-naqd-o-nazar ke sar se misāl-e-sarsar guzar gayā hoñ

junun mein qalb-o-jigar ke TukDon ke marhalon se guzar gaya hun

main ashk ban kar salib-e-mizhgan pe reza-reza bikhar gaya hun

baDa dilawar baDa saKHi hun ki dushmanon ki kamin-gah mein

main aaj apne hi neze ki nok pe le ke apna hi sar gaya hun

mere aizza mujhe baToren ki main bhi yak-musht mar ke dekhun

ki waqfe-waqfe se thoDa thoDa bahut si qiston mein mar gaya hun

har ek manzar waqar-e-sher-o-adab ki saudagari ka manzar

main KHwab mein hun ki jagta hun main ji raha hun ki mar gaya hun

mera shuur-o-shiar-o-ashaar sab had-e-la-shuur mein hain

bisat-e-naqd-o-nazar ke sar se misal-e-sarsar guzar gaya hon