junun shauq yaqin zabte se aai hai

junūn shauq yaqīñ zābte se aa.ī hai

uḌaan mujh meñ mire hausle se aa.ī hai

mujhe bhī to kabhī bainassutūr meñ rakhtā

phir aaj ek sadā hāshiye se aa.ī hai

bhulānā jab kabhī chāhā hai maiñ ne maazī ko

nikal ke yaad tirī hāfize se aa.ī hai

jise ḳhayāl kā markaz kabhī banāyā thā

sunahrī dhuup usī dā.ere se aa.ī hai

yaqīn kar lo to ā.eñge sab nazar apne

tumhāre dil meñ kajī vāhime se aa.ī hai

kiyā hai maiñ ne ḳhud apnā muhāsba aksar

tamīz mujh meñ isī tajrabe se aa.ī hai

jo maiñ ne soch kā badlā hai zāviya 'nāyāb'

har ek chiiz nazar qā.ede se aa.ī hai

junun shauq yaqin zabte se aai hai

uDan mujh mein mere hausle se aai hai

mujhe bhi to kabhi bainassutur mein rakhta

phir aaj ek sada hashiye se aai hai

bhulana jab kabhi chaha hai main ne mazi ko

nikal ke yaad teri hafize se aai hai

jise KHayal ka markaz kabhi banaya tha

sunahri dhup usi daere se aai hai

yaqin kar lo to aaenge sab nazar apne

tumhaare dil mein kaji wahime se aai hai

kiya hai main ne KHud apna muhasba aksar

tamiz mujh mein isi tajrabe se aai hai

jo main ne soch ka badla hai zawiya 'nayab'

har ek chiz nazar qaede se aai hai