jurm-e-hasti ki saza kyun nahin dete mujhko
jurm-e-hastī kī sazā kyuuñ nahīñ dete mujh ko
log jiine kī duā kyuuñ nahīñ dete mujh ko
sarsar-e-ḳhūñ ke tasavvur se larazte kyuuñ ho
ḳhāk-e-sahrā huuñ uḌā kyuuñ nahīñ dete mujh ko
kyuuñ takalluf hai mire naam pe tāzīroñ kā
maiñ burā huuñ to bhalā kyuuñ nahīñ dete mujh ko
ab tumhāre liye ḳhud apnā tamāshā.ī huuñ
dosto dād-e-vafā kyuuñ nahīñ dete mujh ko
maiñ musāfir hī sahī raat kī ḳhāmoshī kā
tum sahar ho to sadā kyuuñ nahīñ dete mujh ko
jins-e-bāzār kī sūrat huuñ jahāñ maiñ 'aḳhtar'
log shīshoñ meñ sajā kyuuñ nahīñ dete mujh ko
jurm-e-hasti ki saza kyun nahin dete mujh ko
log jine ki dua kyun nahin dete mujh ko
sarsar-e-KHun ke tasawwur se larazte kyun ho
KHak-e-sahra hun uDa kyun nahin dete mujh ko
kyun takalluf hai mere nam pe taziron ka
main bura hun to bhala kyun nahin dete mujh ko
ab tumhaare liye KHud apna tamashai hun
dosto dad-e-wafa kyun nahin dete mujh ko
main musafir hi sahi raat ki KHamoshi ka
tum sahar ho to sada kyun nahin dete mujh ko
jins-e-bazar ki surat hun jahan main 'aKHtar'
log shishon mein saja kyun nahin dete mujh ko
Source:
Funoon(Jadeed Ghazal Number: Volume-002) (Pg. 1026)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
