jurm-e-ummid ki saza hi de

jurm-e-ummīd kī sazā hī de

mere haq meñ bhī kuchh sunā hī de

ishq meñ ham nahīñ ziyāda talab

jo tirā nāz-e-kam-nigāhī de

tū ne tāroñ se shab kī maañg bharī

mujh ko ik ashk-e-sub.h-gāhī de

tū ne banjar zamīñ ko phuul diye

mujh ko ik zaḳhm-e-dil-kushā hī de

bastiyoñ ko diye haiñ tū ne charāġh

dasht-e-dil ko bhī koī raahī de

umr bhar kī navā-garī kā sila

ai ḳhudā koī ham-navā hī de

zard-rū haiñ varaq ḳhayāloñ ke

ai shab-e-hijr kuchh siyāhī de

gar majāl-e-suḳhan nahīñ 'nāsir'

lab-e-ḳhāmosh se gavāhī de

jurm-e-ummid ki saza hi de

mere haq mein bhi kuchh suna hi de

ishq mein hum nahin ziyaada talab

jo tera naz-e-kam-nigahi de

tu ne taron se shab ki mang bhari

mujh ko ek ashk-e-subh-gahi de

tu ne banjar zamin ko phul diye

mujh ko ek zaKHm-e-dil-kusha hi de

bastiyon ko diye hain tu ne charagh

dasht-e-dil ko bhi koi rahi de

umr bhar ki nawa-gari ka sila

ai KHuda koi ham-nawa hi de

zard-ru hain waraq KHayalon ke

ai shab-e-hijr kuchh siyahi de

gar majal-e-suKHan nahin 'nasir'

lab-e-KHamosh se gawahi de