aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jurm tera na sahi meri saza KHub sahi

Jameel Malik

jurm tera na sahi meri saza KHub sahi

Jameel Malik

MORE BYJameel Malik

    jurm terā na sahī merī sazā ḳhuub sahī

    ā.ina-ḳhāna-e-hastī adā ḳhuub sahī

    paas se to tirī āñkhoñ ke bhañvar le Duube

    duur se jalva-e-girdāb-e-balā ḳhuub sahī

    kaisā sāvan hai ki jo khul ke barastā nahīñ

    dekhne meñ tirī zulfoñ ghaTā ḳhuub sahī

    ghar meñ jo baat hai vo tere shabistāñ meñ kahāñ

    jān-e-yārāñ tere kūche havā ḳhuub sahī

    zauq-e-jalvat meñ tab-o-tāb-e-haqīqat bhī to hai

    shauq-e-ḳhalvat-kada-e-sāz-o-sadā ḳhuub sahī

    din ko sahrā meñ bagūloñ safar bhī dekho

    sub.h-dam baaġh meñ ye raqs-e-sabā ḳhuub sahī

    sar-zamīneñ haiñ bahut ruuh ke pātāl meñ bhī

    māh-o-mirrīḳh pe āvāz-e-darā ḳhuub sahī

    dost zindān-e-anāsir se rihā.ī ma.alūm

    dasht-e-imkān-e-taḳhayyul fazā ḳhuub sahī

    vus.ateñ aur bahut haiñ ġham-e-daurāñ ke liye

    qibla-e-jāñ ke liye qibla-numā ḳhuub sahī

    ḳhūb-tar hai mirī taz.īn se har paikar-e-jāñ

    terī taḳhlīq har naqsh-e-baqā ḳhuub sahī

    paañv meñ apnā saaya hai pareshān 'jamīl'

    sar pe dastār-e-par-o-bāl-e-humā ḳhuub sahī

    jurm tera na sahi meri saza KHub sahi

    aaina-KHana-e-hasti ki ada KHub sahi

    pas se to teri aankhon ke bhanwar le Dube

    dur se jalwa-e-girdab-e-bala KHub sahi

    kaisa sawan hai ki jo khul ke barasta hi nahin

    dekhne mein teri zulfon ki ghaTa KHub sahi

    ghar mein jo baat hai wo tere shabistan mein kahan

    jaan-e-yaran tere kuche ki hawa KHub sahi

    zauq-e-jalwat mein tab-o-tab-e-haqiqat bhi to hai

    shauq-e-KHalwat-kada-e-saz-o-sada KHub sahi

    din ko sahra mein bagulon ka safar bhi dekho

    subh-dam bagh mein ye raqs-e-saba KHub sahi

    sar-zaminen hain bahut ruh ke patal mein bhi

    mah-o-mirriKH pe aawaz-e-dara KHub sahi

    dost zindan-e-anasir se rihai malum

    dasht-e-imkan-e-taKHayyul ki faza KHub sahi

    wusaten aur bahut hain gham-e-dauran ke liye

    qibla-e-jaan ke liye qibla-numa KHub sahi

    KHub-tar hai meri tazin se har paikar-e-jaan

    teri taKHliq ka har naqsh-e-baqa KHub sahi

    panw mein apna hi saya hai pareshan 'jamil'

    sar pe dastar-e-par-o-baal-e-huma KHub sahi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now