kafir buton ke nam hon kyunkar tamam hifz

kāfir butoñ ke naam hoñ kyūñkar tamām hifz

itne ḳhudā ki ho na sakeñ jin ke naam hifz

matlab na ḳhabt ho koī fiqra na chhūT jaa.e

qāsid ne harf harf kiyā sab payām hifz

ronā mirā ho aur bhī baa.is savāb kā

paḌhtā huuñ soz maiñ ne kiye haiñ salām hifz

dozaḳh kā Dar nahīñ hai to patthar kī aag kyā

kāfir buto hameñ hai ḳhudā kā kalām hifz

piite hī yaad aa ga.e bhūle hue sabaq

pūchho kisī maqām se hai har maqām hifz

maiḳhāne meñ namāz jo kī tū ne jald ḳhatm

suura baḌā na thā koī tujh ko imaam hifz

tujh ko qafas meñ terī sunā.ūñgā guftugū

sayyād bāteñ kī haiñ tirī zer-e-dām hifz

kis ko nahīñ hai qadr hamāre kalām kī

logoñ ko hai 'riyāz' hamārā kalām hifz

kafir buton ke nam hon kyunkar tamam hifz

itne KHuda ki ho na saken jin ke nam hifz

matlab na KHabt ho koi fiqra na chhuT jae

qasid ne harf harf kiya sab payam hifz

rona mera ho aur bhi bais sawab ka

paDhta hun soz main ne kiye hain salam hifz

dozaKH ka Dar nahin hai to patthar ki aag kya

kafir buto hamein hai KHuda ka kalam hifz

pite hi yaad aa gae bhule hue sabaq

puchho kisi maqam se hai har maqam hifz

maiKHane mein namaz jo ki tu ne jald KHatm

sura baDa na tha koi tujh ko imam hifz

tujh ko qafas mein teri sunaunga guftugu

sayyaad baaten ki hain teri zer-e-dam hifz

kis ko nahin hai qadr hamare kalam ki

logon ko hai 'riyaz' hamara kalam hifz