kafir hue sanam hum din-dar teri KHatir

Waliullah Muhib

kafir hue sanam hum din-dar teri KHatir

Waliullah Muhib

MORE BYWaliullah Muhib

    kāfir hue sanam ham dīñ-dār terī ḳhātir

    tasbīh toḌ bāñdhā zunnār terī ḳhātir

    gul sīna-chāk bulbul nālāñ chaman meñ dekhī

    āñkhoñ ke dukh se nargis bīmār terī ḳhātir

    abrū ishārat jis taraf kare thā

    chaltī thī mujh meñ us meñ talvār terī ḳhātir

    maiñ jhuuT sach bhī yak-dam aañsū na un ke poñchhe

    jo chashm roz-o-shab haiñ ḳhūñ-bār terī ḳhātir

    sab āshnāoñ se ham begāna ho rahe the

    ab zindagī hai apnī dushvār terī ḳhātir

    masjid meñ mai-kade meñ kyā kaifī aur suufī

    behosh terī ḳhātir hoshyār terī ḳhātir

    jo rāh-e-āshiqī meñ thī pastī-o-bulandī

    vo ham ne sarāsar hamvār terī ḳhātir

    pathrā ga.ī haiñ āñkheñ anjum tarah har shab

    bedār rahte rahte ai yaar terī ḳhātir

    is abr meñ chaman ne kyā kyā kiyā hai saaqī

    asbāb mai-kashī tayyār terī ḳhātir

    har ġhuncha hai gulābī har gul hai sāġhar-e-mai

    mai-ḳhāna ho rahā hai gulzār terī ḳhātir

    aage to kūcha-gardī sheva na thā 'muhib'

    ab shurūa us ne nā-chār terī ḳhātir

    kafir hue sanam hum din-dar teri KHatir

    tasbih toD bandha zunnar teri KHatir

    gul sina-chaak bulbul nalan chaman mein dekhi

    aankhon ke dukh se nargis bimar teri KHatir

    abru ki tu ishaarat jis ki taraf kare tha

    chalti thi mujh mein us mein talwar teri KHatir

    main jhuT sach bhi yak-dam aansu na un ke ponchhe

    jo chashm roz-o-shab hain KHun-bar teri KHatir

    sab aashnaon se hum begana ho rahe the

    ab zindagi hai apni dushwar teri KHatir

    masjid mein mai-kade mein kya kaifi aur sufi

    behosh teri KHatir hoshyar teri KHatir

    jo rah-e-ashiqi mein thi pasti-o-bulandi

    wo hum ne ki sarasar hamwar teri KHatir

    pathra gai hain aankhen anjum ki tarah har shab

    bedar rahte rahte ai yar teri KHatir

    is abr mein chaman ne kya kya kiya hai saqi

    asbab mai-kashi ka tayyar teri KHatir

    har ghuncha hai gulabi har gul hai saghar-e-mai

    mai-KHana ho raha hai gulzar teri KHatir

    aage to kucha-gardi shewa na tha 'muhib' ka

    ki ab shurua us ne na-chaar teri KHatir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now