kafiri mein bhi jo chahat hogi

Siraj Lakhnavi

kafiri mein bhi jo chahat hogi

Siraj Lakhnavi

MORE BYSiraj Lakhnavi

    kāfirī meñ bhī jo chāhat hogī

    kuchh to īmāñ shabāhat hogī

    hashr hai vāda-e-fardā terā

    aaj raat qayāmat hogī

    pūchhā phir hogī mulāqāt kabhī

    phir mire haal pe shafqat hogī

    kis safā.ī se diyā us ne javāb

    dekhā jā.egā jo fursat hogī

    ḳhāk-āsūda ġharīboñ ko na chheḌ

    ek karvaT meñ qayāmat hogī

    aap ke paañv ke nīche dil hai

    ik zarā aap ko zahmat hogī

    har nafas utnī lau degā 'sirāj'

    jitnī jis dil meñ harārat hogī

    kafiri mein bhi jo chahat hogi

    kuchh to iman ki shabahat hogi

    hashr hai wada-e-farda tera

    aaj ki raat qayamat hogi

    puchha phir hogi mulaqat kabhi

    phir mere haal pe shafqat hogi

    kis safai se diya us ne jawab

    dekha jaega jo fursat hogi

    KHak-asuda gharibon ko na chheD

    ek karwaT mein qayamat hogi

    aap ke panw ke niche dil hai

    ek zara aap ko zahmat hogi

    har nafas utni hi lau dega 'siraj'

    jitni jis dil mein hararat hogi

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY