kaghaz tha main diye pe mujhe rakh diya gaya

Anjum Saleemi

kaghaz tha main diye pe mujhe rakh diya gaya

Anjum Saleemi

MORE BYAnjum Saleemi

    kāġhaz thā maiñ diye pe mujhe rakh diyā gayā

    ik aur martabe pe mujhe rakh diyā gayā

    ik be-badan aks banāyā gayā huuñ maiñ

    be-āb ā.īne pe mujhe rakh diyā gayā

    kuchh to khiñchī khiñchī thī saa.at visāl

    kuchh yuuñ bhī fāsle pe mujhe rakh diyā gayā

    muñh-māñge daam de ke ḳharīdā aur us ke baad

    ik ḳhaas zāviye pe mujhe rakh diyā gayā

    kal raat mujh ko chorī kiyā rahā thā yaar

    aur mere jāgne pe mujhe rakh diyā gayā

    achchhā bhalā paḌā thā maiñ apne vajūd meñ

    duniyā ke rāste pe mujhe rakh diyā gayā

    pahle to merī miTTī se mujh ko kiyā charāġh

    phir mere maqbare pe mujhe rakh diyā gayā

    'anjum' havā ke zor pe jaanā hai us taraf

    paanī ke bulbule pe mujhe rakh diyā gayā

    kaghaz tha main diye pe mujhe rakh diya gaya

    ek aur martabe pe mujhe rakh diya gaya

    ek be-badan ka aks banaya gaya hun main

    be-ab aaine pe mujhe rakh diya gaya

    kuchh to khinchi khinchi si thi saat visal ki

    kuchh yun bhi fasle pe mujhe rakh diya gaya

    munh-mange dam de ke KHarida aur us ke baad

    ek KHas zawiye pe mujhe rakh diya gaya

    kal raat mujh ko chori kiya ja raha tha yar

    aur mere jagne pe mujhe rakh diya gaya

    achchha bhala paDa tha main apne wajud mein

    duniya ke raste pe mujhe rakh diya gaya

    pahle to meri miTTi se mujh ko kiya charagh

    phir mere maqbare pe mujhe rakh diya gaya

    'anjum' hawa ke zor pe jaana hai us taraf

    pani ke bulbule pe mujhe rakh diya gaya

    RECITATIONS

    Nomaan Shauque

    Nomaan Shauque

    Nomaan Shauque

    kaghaz tha main diye pe mujhe rakh diya gaya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY