kali raat ke raushan jugnu hum donon

kaalī raat ke raushan jugnū ham donoñ

din ke ujle badan kī ḳhushbū ham donoñ

madhur raag phailā kar har sū ham donoñ

sar par chaḌh kar boltā jaadū ham donoñ

ḳhud bhī mahkeñ auroñ ko bhī mahkā.eñ

aise dasht-e-ḳhutan ke aahū ham donoñ

duniyā bhar meñ jog jagāne kī ḳhātir

dar dar bhaTkeñ ban kar sādhū ham donoñ

dard bhare jo dil rakhte haiñ un ke liye

pyaar bharī āñkhoñ kā aañsū ham donoñ

jis kā jī chāhe vo ḳhud ko mahkā le

shāḳh-e-hinā ke phuul kī ḳhushbū ham donoñ

kyoñ na raheñ 'asmā' jī yuuñ āzādī se

priit ke bandhan bāñdh ke bandhū ham donoñ

kali raat ke raushan jugnu hum donon

din ke ujle badan ki KHushbu hum donon

madhur rag phaila kar har su hum donon

sar par chaDh kar bolta jadu hum donon

KHud bhi mahken auron ko bhi mahkaen

aise dasht-e-KHutan ke aahu hum donon

duniya bhar mein jog jagane ki KHatir

dar dar bhaTken ban kar sadhu hum donon

dard bhare jo dil rakhte hain un ke liye

pyar bhari aankhon ka aansu hum donon

jis ka ji chahe wo KHud ko mahka le

shaKH-e-hina ke phul ki KHushbu hum donon

kyon na rahen 'asma' ji yun aazadi se

prit ke bandhan bandh ke bandhu hum donon