kar-gar dast-e-jafa-kar rahega kab tak

kār-gar dast-e-jafā-kār rahegā kab tak

garm ye zulm kā bāzār rahegā kab tak

āh-o-fariyād se ik hashr bapā hai har samt

ḳhūñfishāñ ḳhanjar-e-zardār rahegā kab tak

ḳhāk-e-maqtal ke sulagte hue har zarre meñ

ḳhūn-e-mazlūm sharar-bār rahegā kab tak

asr-e-āzādī-o-jamhūr meñ haq-go insāñ

na.ara-e-haq se sar-e-dār rahegā kab tak

qalb-e-zardār meñ sarkūbī-e-muflis ke liye

taish kā lashkar-e-jarrār rahegā kab tak

na.ī tahzīb pe chhāyā huā zardār nizām

ḳhūn-e-muflis kā ḳharīdār rahegā kab tak

sang-e-ḳhārā kī tarah ahl-e-siyāsat kā vajūd

hā.il-e-jāda-e-fankār rahegā kab tak

zor-e-shamshīr se karne ko zamīñ ke TukḌe

aadmī barsar-e-paikār rahegā kab tak

tāqat-o-zar ke ḳhudāoñ ke jahāñ meñ insāñ

dekhnā ye hai ki ḳhud.dār rahegā kab tak

ho ke bebāk har ik rāz-e-haqīqat kah de

dām-e-bātil meñ giraftār rahegā kab tak

jis ne ulTī hai abhī chehra-e-māzī se naqāb

dil meñ vo jazba-e-bedār rahegā kab tak

kar-gar dast-e-jafa-kar rahega kab tak

garm ye zulm ka bazar rahega kab tak

aah-o-fariyaad se ek hashr bapa hai har samt

KHunfishan KHanjar-e-zardar rahega kab tak

KHak-e-maqtal ke sulagte hue har zarre mein

KHun-e-mazlum sharar-bar rahega kab tak

asr-e-azadi-o-jamhur mein haq-go insan

nara-e-haq se sar-e-dar rahega kab tak

qalb-e-zardar mein sarkubi-e-muflis ke liye

taish ka lashkar-e-jarrar rahega kab tak

nai tahzib pe chhaya hua zardar nizam

KHun-e-muflis ka KHaridar rahega kab tak

sang-e-KHara ki tarah ahl-e-siyasat ka wajud

hail-e-jada-e-fankar rahega kab tak

zor-e-shamshir se karne ko zamin ke TukDe

aadmi barsar-e-paikar rahega kab tak

taqat-o-zar ke KHudaon ke jahan mein insan

dekhna ye hai ki KHuddar rahega kab tak

ho ke bebak har ek raaz-e-haqiqat kah de

dam-e-baatil mein giraftar rahega kab tak

jis ne ulTi hai abhi chehra-e-mazi se naqab

dil mein wo jazba-e-bedar rahega kab tak