karzar-e-zindagi mein aise lamhe aa gae

kārzār-e-zindagī meñ aise lamhe aa ga.e

azm-e-mohkam rakhne vaale vaqt se ghabrā ga.e

dūsroñ ke vāste jiite rahe marte rahe

ḳhūb-sīrat log the rāz-e-mohabbat pā ga.e

baaġh par bijlī gire yā nazr-e-gulchīñ ho rahe

aah ab sochoñ ke dhāre is nahaj par aa ga.e

is jhulastī dhuup ne āḳhir kahāñ pahuñchā diyā

chhāñv kī ḳhātir pas-e-dīvār-e-zindāñ aa ga.e

vaa.e mahrūmī ki bas ham āsmāñ takte rahe

yuuñ to bādal ghir ke aa.e hasrateñ barsā ga.e

dil kī shādābī kī ḳhātir dil kī taskīñ ke liye

'rizvī'-e-muztar kabhī makka kabhī mathurā ga.e

karzar-e-zindagi mein aise lamhe aa gae

azm-e-mohkam rakhne wale waqt se ghabra gae

dusron ke waste jite rahe marte rahe

KHub-sirat log the raaz-e-mohabbat pa gae

bagh par bijli gire ya nazr-e-gulchin ho rahe

aah ab sochon ke dhaare is nahaj par aa gae

is jhulasti dhup ne aaKHir kahan pahuncha diya

chhanw ki KHatir pas-e-diwar-e-zindan aa gae

wae mahrumi ki bas hum aasman takte rahe

yun to baadal ghir ke aae hasraten barsa gae

dil ki shadabi ki KHatir dil ki taskin ke liye

'rizwi'-e-muztar kabhi makka kabhi mathura gae