kash ek shab ke liye KHud ko mayassar ho jaen

Tauseef Tabassum

kash ek shab ke liye KHud ko mayassar ho jaen

Tauseef Tabassum

MORE BYTauseef Tabassum

    kaash ik shab ke liye ḳhud ko mayassar ho jaa.eñ

    farsh-e-shabnam se uTheñ aur gul-e-tar ho jaa.eñ

    dekhne vaalī agar aañkh ko pahchān sakeñ

    rañg ḳhud parda-e-tasvīr se bāhar ho jaa.eñ

    tishnagī jism ke sahrā meñ ravāñ rahtī hai

    ḳhud meñ ye mauj samo leñ to samundar ho jaa.eñ

    vo bhī din aa.eñ ye bekār guzarte shab-o-roz

    terī āñkheñ tire baazū tirā paikar ho jaa.eñ

    apnī palkoñ se jinheñ noch ke pheñkā hai abhī

    kyā karoge jo yahī ḳhvāb muqaddar ho jaa.eñ

    jo bhī narmī hai ḳhayāloñ meñ na hone se hai

    ḳhvāb āñkhoñ se nikal jaa.eñ to patthar ho jaa.eñ

    kash ek shab ke liye KHud ko mayassar ho jaen

    farsh-e-shabnam se uThen aur gul-e-tar ho jaen

    dekhne wali agar aankh ko pahchan saken

    rang KHud parda-e-taswir se bahar ho jaen

    tishnagi jism ke sahra mein rawan rahti hai

    KHud mein ye mauj samo len to samundar ho jaen

    wo bhi din aaen ye bekar guzarte shab-o-roz

    teri aankhen tere bazu tera paikar ho jaen

    apni palkon se jinhen noch ke phenka hai abhi

    kya karoge jo yahi KHwab muqaddar ho jaen

    jo bhi narmi hai KHayalon mein na hone se hai

    KHwab aankhon se nikal jaen to patthar ho jaen

    Source :
    • Book : Beesveen Sadi Ki Behtareen Ishqiya Ghazlen (Pg. 73)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY