kash mahfil mein aaj tu bhi ho

kaash mahfil meñ aaj tū bhī ho

aur kuchh merī guftugū bhī ho

DhūñDne meñ kuchh aur lutf aa.e

dil meñ gar zauq-e-justujū bhī ho

kuchh tumhārā nishāñ nahīñ miltā

aur duniyā meñ chār-sū bhī ho

ḳhaak paidā ho lutf-e-ḳhud-bīnī

koī ā.īna rū-ba-rū bhī ho

hosh uḌte haiñ kis ke dekheñge

guftugū un se dū-badū bhī ho

tuur par aa.eñ vo 'kalīm' magar

un ke jalvoñ kī aarzū bhī ho

kash mahfil mein aaj tu bhi ho

aur kuchh meri guftugu bhi ho

DhunDne mein kuchh aur lutf aae

dil mein gar zauq-e-justuju bhi ho

kuchh tumhaara nishan nahin milta

aur duniya mein chaar-su bhi ho

KHak paida ho lutf-e-KHud-bini

koi aaina ru-ba-ru bhi ho

hosh uDte hain kis ke dekhenge

guftugu un se du-badu bhi ho

tur par aaen wo 'kalim' magar

un ke jalwon ki aarzu bhi ho