kash miTti hui KHushbu ko sahaara mil jae

kaash miTtī huī ḳhushbū ko sahārā mil jaa.e

shāḳh se TuuTe hue phuul kā rishtā mil jaa.e

soche sūraj se kaho aisī koī gardish-e-nau

jism se jism mile saa.e se saayā mil jaa.e

dasht kahtā hai mire paas to qatra bhī nahīñ

pyaas kahtī hai mujhe piine ko dariyā mil jaa.e

nuur phir nuur hai chamkegā vo jugnū hī sahī

shart ye hai ki use thoḌā añdherā mil jaa.e

mere har sher ke lab par ye duā hai 'kāzim'

jis qabīle kā huuñ shā.ir vo qabīla mil jaa.e

kash miTti hui KHushbu ko sahaara mil jae

shaKH se TuTe hue phul ka rishta mil jae

soche suraj se kaho aisi koi gardish-e-nau

jism se jism mile sae se saya mil jae

dasht kahta hai mere pas to qatra bhi nahin

pyas kahti hai mujhe pine ko dariya mil jae

nur phir nur hai chamkega wo jugnu hi sahi

shart ye hai ki use thoDa andhera mil jae

mere har sher ke lab par ye dua hai 'kazim'

jis qabile ka hun shair wo qabila mil jae