kashif ghazal tumhaari paDhi aaj raat mein

'kāshif' ġhazal tumhārī paḌhī aaj raat meñ

maanā na jiit pā.ūñgī maiñ tum se baat meñ

'kāshif' sanam-parastī nahīñ dīniyāt meñ

ye tum kahāñ se paḌ ga.e lāt-o-manāt meñ

'kāshif' kitāb-e-ishq kā ijrā na yuuñ karo

yuuñ vaqt na gañvāyā karo vāhiyāt meñ

'kāshif' hamāre pyaar meñ kyā kyā nahīñ huā

lekin tumhārī fat.h rahī merī maat meñ

'kāshif' tumhārā ishq hī me.arāj hai mirī

sab āsmān Thahre tumhārī hī zaat meñ

'kāshif' yaqīn hai mujhe īmān hai mirā

tum sā na mil sakegā mujhe kā.enāt meñ

'kashif' ghazal tumhaari paDhi aaj raat mein

mana na jit paungi main tum se baat mein

'kashif' sanam-parasti nahin diniyat mein

ye tum kahan se paD gae lat-o-manat mein

'kashif' kitab-e-ishq ka ijra na yun karo

yun waqt na ganwaya karo wahiyat mein

'kashif' hamare pyar mein kya kya nahin hua

lekin tumhaari fath rahi meri mat mein

'kashif' tumhaara ishq hi mearaj hai meri

sab aasman Thahre tumhaari hi zat mein

'kashif' yaqin hai mujhe iman hai mera

tum sa na mil sakega mujhe kaenat mein