kaT raha hun ek ik din aazar ke sath
kaaT rahā huuñ ik ik din āzār ke saath
jaise raat guzartī hai bīmār ke saath
shohrat tanhā tai kartī hai raste ko
uḌ kar phuul nahīñ jaatā mahkār ke saath
hijr kā mausam le kar sūraj niklā hai
barf lipaT kar rotī hai kohsār ke saath
ghar kī har shai terī yaad dilātī hai
dhyān meñ chiḌiyā aa jaa.e chahkār ke saath
ek hī jhoñkā bikhrā degā pattoñ ko
kab tak mil kar baiTheñge dīvār ke saath
vaqt ne likh kar kaaT diye haiñ un ke naam
jin kā sikka chaltā thā talvār ke saath
'ḳhāvar' kyā kyā shakleñ bantī rahtī haiñ
tanhā.ī meñ yādoñ kī parkār ke saath
kaT raha hun ek ek din aazar ke sath
jaise raat guzarti hai bimar ke sath
shohrat tanha tai karti hai raste ko
uD kar phul nahin jata mahkar ke sath
hijr ka mausam le kar suraj nikla hai
barf lipaT kar roti hai kohsar ke sath
ghar ki har shai teri yaad dilati hai
dhyan mein chiDiya aa jae chahkar ke sath
ek hi jhonka bikhra dega patton ko
kab tak mil kar baiThenge diwar ke sath
waqt ne likh kar kaT diye hain un ke nam
jin ka sikka chalta tha talwar ke sath
'KHawar' kya kya shaklen banti rahti hain
tanhai mein yaadon ki parkar ke sath
Source:
Rooh-e-Ghazal,Pachas Sala Intekhab (Pg. 619)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
