kaTe hain din hayat ke lachaar ki tarah

kaaTe haiñ din hayāt ke lāchār kī tarah

kahne ko zindagī hai ye gulzār kī tarah

ma.alūm hī na thiiñ unheñ kuchh apnī qīmateñ

ahl-e-qalam bike yahāñ aḳhbār kī tarah

taqrīr us ne kī thī hamāre ḳhilāf jo

har lafz chubh rahā hai hameñ ḳhaar kī tarah

kyā tum pe e'tibār kareñ tum hī kuchh kaho

qaul-o-qarār karte ho sarkār kī tarah

niklegī kaise koī mulāqāt kī sabīl

duniyā khaḌī hai raah meñ dīvār kī tarah

dīvār-o-dar pe 'kirishnā' kī liilā ke naqsh hai

mandir hai ye to 'krishn' ke darbār kī tarah

ġhairat hameñ aziiz hai ġhairat se ham jiye

pahnī hai ham ne sar pe ye dastār kī tarah

ai 'shobhā' dekh un kī zarā ḳhush-libāsiyāñ

nikle haiñ ban ke vo kisī gulzār kī tarah

kaTe hain din hayat ke lachaar ki tarah

kahne ko zindagi hai ye gulzar ki tarah

malum hi na thin unhen kuchh apni qimaten

ahl-e-qalam bike yahan aKHbar ki tarah

taqrir us ne ki thi hamare KHilaf jo

har lafz chubh raha hai hamein KHar ki tarah

kya tum pe e'tibar karen tum hi kuchh kaho

qaul-o-qarar karte ho sarkar ki tarah

niklegi kaise koi mulaqat ki sabil

duniya khaDi hai rah mein diwar ki tarah

diwar-o-dar pe 'kirishna' ki lila ke naqsh hai

mandir hai ye to 'krishn' ke darbar ki tarah

ghairat hamein aziz hai ghairat se hum jiye

pahni hai hum ne sar pe ye dastar ki tarah

ai 'shobha' dekh un ki zara KHush-libasiyan

nikle hain ban ke wo kisi gulzar ki tarah