kaTunga shab taDap kar ro kar sahar karunga
kaTunga shab taDap kar ro kar sahar karunga
Jameela Khuda Bakhsh
MORE BYJameela Khuda Bakhsh
kāTūñgā shab taḌap kar ro kar sahar karūñgā
furqat meñ terī jānāñ yuuñ hī basar karūñgā
kahtā hai ishq-e-dilbar furqat meñ ho na muztar
dil meñ guzar karūñgā āñkhoñ meñ ghar karūñgā
aatā nahīñ vo dilbar kahtā hai roz mujh se
aane kī apne tujh ko pahle ḳhabar karūñgā
tum jā rahe ho jaao ai but mirā ḳhudā hai
siine ko ranj-e-furqat patthar jigar karūñgā
qatroñ meñ chashm-e-tar ke tasvīr-e-dil-rubā hai
hasrat se kyuuñ na us kī jānib nazar karūñgā
'āshiq kā qāfila ab jaatā hai un ke dar par
bāñg-e-jaras banūñgā nāloñ ko sar karūñgā
turbat ko dekh kar maiñ kahtā huuñ ai 'jamīla'
ai gor maiñ bhī terā ābād ghar karūñgā
kaTunga shab taDap kar ro kar sahar karunga
furqat mein teri jaanan yun hi basar karunga
kahta hai ishq-e-dilbar furqat mein ho na muztar
dil mein guzar karunga aankhon mein ghar karunga
aata nahin wo dilbar kahta hai roz mujh se
aane ki apne tujh ko pahle KHabar karunga
tum ja rahe ho jao ai but mera KHuda hai
sine ko ranj-e-furqat patthar jigar karunga
qatron mein chashm-e-tar ke taswir-e-dil-ruba hai
hasrat se kyun na us ki jaanib nazar karunga
'ashiq ka qafila ab jata hai un ke dar par
bang-e-jaras banunga nalon ko sar karunga
turbat ko dekh kar main kahta hun ai 'jamila'
ai gor main bhi tera aabaad ghar karunga
Source:
Diwan-e-jamila (Pg. 15)
- Author: Jamila Khuda Bakhsh
-
- Edition: 2005
- Publisher: Khuda Bakhsh Oriental Public Library, Patna
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
