kab ahl-e-ishq tumhaare the is qadar gustaKH

kab ahl-e-ishq tumhāre the is qadar gustāḳh

unheñ tumhīñ ne kiyā chheḌ chheḌ kar gustāḳh

baham ye jam.a hue ḳhuub idhar udhar gustāḳh

ki dil bhī merā hai terī bhī hai nazar gustāḳh

hameñ milā bhī to ma.ashūq kis tarah kā milā

jafā pasand bad-aḳhlāq fitna-gar gustāḳh

ham apne dil se mohabbat meñ be-ḳhabar na raheñ

ki hai bahut kisī gustāḳh kī nazar gustāḳh

kisī ne mujh ko rulāyā koī hañsā mujh par

jo tū huā to huā terā ghar kā ghar gustāḳh

kahā thā maiñ ne ki dil ko sazā.eñ aap na deñ

ye pesh-tar se huā aur beshtar gustāḳh

adab se kaam vo lete nahīñ sar-e-mahfil

yuuñ hī ho aur koī dūsrā agar gustāḳh

ham aur zikr-e-mohabbat dil aur shikva-e-ġham

ḳhamoshiyoñ ne tumhārī kiyā magar gustāḳh

mujhe javāb ye qabl-az-savāl dene lagā

ab is se hogā sivā kyā payāmbar gustāḳh

dil-o-nazar ko lihāz-o-hayā se kyā matlab

ye be-adab hai sarāsar vo sar-ba-sar gustāḳh

kabhī kabhī jo tirī sharm-gīñ nigāh mile

to maiñ banā.ūñ use chheḌ chheḌ kar gustāḳh

ye tajarbe ne batāyā ye ādatoñ se khulā

vo jis qadar hai mohazzab usī qadar gustāḳh

kahīñ tumheñ bhī Dubo de na bahr-e-ulfat meñ

bahut hai nuuh kā tūfān-e-chashm-e-tar gustāḳh

kab ahl-e-ishq tumhaare the is qadar gustaKH

unhen tumhin ne kiya chheD chheD kar gustaKH

baham ye jama hue KHub idhar udhar gustaKH

ki dil bhi mera hai teri bhi hai nazar gustaKH

hamein mila bhi to mashuq kis tarah ka mila

jafa pasand bad-aKHlaq fitna-gar gustaKH

hum apne dil se mohabbat mein be-KHabar na rahen

ki hai bahut kisi gustaKH ki nazar gustaKH

kisi ne mujh ko rulaya koi hansa mujh par

jo tu hua to hua tera ghar ka ghar gustaKH

kaha tha main ne ki dil ko sazaen aap na den

ye pesh-tar se hua aur beshtar gustaKH

adab se kaam wo lete nahin sar-e-mahfil

yun hi ho aur koi dusra agar gustaKH

hum aur zikr-e-mohabbat dil aur shikwa-e-gham

KHamoshiyon ne tumhaari kiya magar gustaKH

mujhe jawab ye qabl-az-sawal dene laga

ab is se hoga siwa kya payambar gustaKH

dil-o-nazar ko lihaz-o-haya se kya matlab

ye be-adab hai sarasar wo sar-ba-sar gustaKH

kabhi kabhi jo teri sharm-gin nigah mile

to main banaun use chheD chheD kar gustaKH

ye tajarbe ne bataya ye aadaton se khula

wo jis qadar hai mohazzab usi qadar gustaKH

kahin tumhein bhi Dubo de na bahr-e-ulfat mein

bahut hai nuh ka tufan-e-chashm-e-tar gustaKH