kab gul hai hawa-KHwah saba apne chaman ka

kab gul hai havā-ḳhvāh sabā apne chaman kā

vā jumbish-e-dam se hai rafū zaḳhm-e-kuhan kā

betābi-e-dil tere shahīdoñ kī kahāñ jaa.e

kuchh kam rag-e-bismil se nahīñ taar kafan kā

detā hai phir ā.īne ko kis vāste bosa

vo aap jo dil-dāda nahīñ apne dahan kā

mānind-e-habāb aap kiyā ishq ne 'mamnūñ'

paayā na nishāñ jaama meñ apne kahīñ tan kā

kab gul hai hawa-KHwah saba apne chaman ka

wa jumbish-e-dam se hai rafu zaKHm-e-kuhan ka

betabi-e-dil tere shahidon ki kahan jae

kuchh kam rag-e-bismil se nahin tar kafan ka

deta hai phir aaine ko kis waste bosa

wo aap jo dil-dada nahin apne dahan ka

manind-e-habab aap kiya ishq ne 'mamnun'

paya na nishan jama mein apne kahin tan ka