kab hui KHatm raat yaad nahin

kab huī ḳhatm raat yaad nahīñ

kyā huī un se baat yaad nahīñ

kab luTā kārvāñ sitāroñ kā

kab luTī kā.enāt yaad nahīñ

kaise guzre vo be-ḳhabar lamhe

kaise guzrī hayāt yaad nahīñ

kis ne jiitī hai ishq kī baazī

kis ne khaa.ī hai maat yaad nahīñ

vo khulī zulf vo khulī bāheñ

qaid thī yā najāt yaad nahīñ

vo mirā jashn-e-nā-murādī thā

yā kisī kī barāt yaad nahīñ

kab mile the kahāñ mile the vo

'faiz' itnī sī baat yaad nahīñ

kab hui KHatm raat yaad nahin

kya hui un se baat yaad nahin

kab luTa karwan sitaron ka

kab luTi kaenat yaad nahin

kaise guzre wo be-KHabar lamhe

kaise guzri hayat yaad nahin

kis ne jiti hai ishq ki bazi

kis ne khai hai mat yaad nahin

wo khuli zulf wo khuli bahen

qaid thi ya najat yaad nahin

wo mera jashn-e-na-muradi tha

ya kisi ki baraat yaad nahin

kab mile the kahan mile the wo

'faiz' itni si baat yaad nahin