kab kaha maine mujhe sara zamana chahiye

kab kahā maiñ ne mujhe saarā zamānā chāhiye

sirf mujh ko aap ke dil meñ Thikānā chāhiye

aql kahtī hai ki us ko bhuul jaanā chāhiye

dil ye kahtā hai use apnā banānā chāhiye

jo hamāre ba.ad aa.eñ kam se kam bhaTkeñ na vo

kū-e-fan meñ ik diyā aisā jalānā chāhiye

tā-had-e-imkān ham ne hī manāyā hai tumheñ

ham kabhī rūTheñ to tum ko bhī manānā chāhiye

apnī ḳhātir chhoḌiye auroñ kī ḳhātir hī sahī

kam se kam mahfil meñ tum ko muskurānā chāhiye

raah takte takte us kī ek arsa ho gayā

jaane vaale ko to ab tak lauT aanā chāhiye

sonā chāñdī khā ke 'sāġhar' zinda rah sakte nahīñ

zinda rahne ke liye to āb-o-dānā chāhiye

kab kaha main ne mujhe sara zamana chahiye

sirf mujh ko aap ke dil mein Thikana chahiye

aql kahti hai ki us ko bhul jaana chahiye

dil ye kahta hai use apna banana chahiye

jo hamare baad aaen kam se kam bhaTken na wo

ku-e-fan mein ek diya aisa jalana chahiye

ta-had-e-imkan hum ne hi manaya hai tumhein

hum kabhi ruThen to tum ko bhi manana chahiye

apni KHatir chhoDiye auron ki KHatir hi sahi

kam se kam mahfil mein tum ko muskurana chahiye

rah takte takte us ki ek arsa ho gaya

jaane wale ko to ab tak lauT aana chahiye

sona chandi kha ke 'saghar' zinda rah sakte nahin

zinda rahne ke liye to aab-o-dana chahiye