kab logon ne alfaz ke patthar nahin phenke
kab logoñ ne alfāz ke patthar nahīñ pheñke
vo ḳhat bhī magar maiñ ne jalā kar nahīñ pheñke
Thahre hue paanī ne ishāra to kiyā thā
kuchh soch ke ḳhud maiñ ne hī patthar nahīñ pheñke
ik tanz hai kaliyoñ kā tabassum bhī magar kyuuñ
maiñ ne to kabhī phuul masal kar nahīñ pheñke
vaise to irāda nahīñ tauba-shikanī kā
lekin abhī TuuTe hue sāġhar nahīñ pheñke
kyā baat hai us ne mirī tasvīr ke TukḌe
ghar meñ hī chhupā rakkhe haiñ bāhar nahīñ pheñke
darvāzoñ ke shīshe na badalvā.iye 'nazmī'
logoñ ne abhī haath se patthar nahīñ pheñke
kab logon ne alfaz ke patthar nahin phenke
wo KHat bhi magar main ne jala kar nahin phenke
Thahre hue pani ne ishaara to kiya tha
kuchh soch ke KHud main ne hi patthar nahin phenke
ek tanz hai kaliyon ka tabassum bhi magar kyun
main ne to kabhi phul masal kar nahin phenke
waise to irada nahin tauba-shikani ka
lekin abhi TuTe hue saghar nahin phenke
kya baat hai us ne meri taswir ke TukDe
ghar mein hi chhupa rakkhe hain bahar nahin phenke
darwazon ke shishe na badalwaiye 'nazmi'
logon ne abhi hath se patthar nahin phenke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
