aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kab talak shadabi-e-fikr-o-nazar kaam aaegi

Khaleel Rampuri

kab talak shadabi-e-fikr-o-nazar kaam aaegi

Khaleel Rampuri

MORE BYKhaleel Rampuri

    kab talak shādābī-e-fikr-o-nazar kaam aa.egī

    giile kapḌe se havā paanī uḌā le jā.egī

    bhāgte ghoḌe rāseñ khīñchne se fā.eda

    Dūbte sūraj kyā raftār kam ho jā.egī

    zehan par phailā rakhe haiñ jhīñguroñ ne dā.ere

    aaj jo bhī baat sochūñgā mujhe uljhā.egī

    tak rahe haiñ kis jānib najam ḳheme gaaḌ kar

    dhuup niklegī to pahle mere ghar meñ aa.egī

    khil uThā huuñ aaj maiñ bhī us sūrat dekh kar

    ye ghaḌī jab aa.egī mujh ko yūñhī mahkā.egī

    fasl sūraj meñ ugī hai tamtamātī hai zamīñ

    ye kahānī pyaar karne se samajh meñ aa.egī

    jism putlī ko raushan kar ke duniyā se guzar

    aañkh ḳhvāhish nazar rakhtī hai dhokā khā.egī

    zard patte tarah be-ghar paḌā huuñ raah meñ

    zard patte ko koī shāḳh-e-havā apnā.egī

    miTTiyoñ tah meñ motī pāniyoñ par dā.ere

    sochtā huuñ kaun daulat mire haath aa.egī

    saath letī hameñ bhī Dūbte sūraj dhuup

    raat ke ġhāroñ meñ terī yaad ham ko aa.egī

    vo bhī ḳhushbū tarah ḳhud se alag rahne lagā

    jaane ye mauj-e-ḳhayāl us ko kahāñ le jā.egī

    khil rahī hai ḳhvāhishoñ dhuup saare jism meñ

    aañkh kholūñgā to ye tasvīr bhī kho jā.egī

    bastiyoñ meñ jañgaloñ meñ vādiyoñ meñ koh meñ

    merī ḳhushbū merī dhaḌkan merī aahaT jā.egī

    kitnī tasvīreñ mire andar se ubhareñgī 'ḳhalīl'

    jab tirī āvāz kānoñ se mire Takrā.egī

    kab talak shadabi-e-fikr-o-nazar kaam aaegi

    gile kapDe se hawa pani uDa le jaegi

    bhagte ghoDe ki rasen khinchne se faeda

    Dubte suraj ki kya raftar kam ho jaegi

    zehan par phaila rakhe hain jhinguron ne daere

    aaj jo bhi baat sochunga mujhe uljhaegi

    tak rahe hain kis ki jaanib najam KHeme gaD kar

    dhup niklegi to pahle mere ghar mein aaegi

    khil uTha hun aaj main bhi us ki surat dekh kar

    ye ghaDi jab aaegi mujh ko yunhi mahkaegi

    fasl suraj mein ugi hai tamtamati hai zamin

    ye kahani pyar karne se samajh mein aaegi

    jism ki putli ko raushan kar ke duniya se guzar

    aankh KHwahish ki nazar rakhti hai dhoka khaegi

    zard patte ki tarah be-ghar paDa hun rah mein

    zard patte ko koi shaKH-e-hawa apnaegi

    miTTiyon ki tah mein moti paniyon par daere

    sochta hun kaun si daulat mere hath aaegi

    sath leti ja hamein bhi Dubte suraj ki dhup

    raat ke ghaaron mein teri yaad hum ko aaegi

    wo bhi KHushbu ki tarah KHud se alag rahne laga

    jaane ye mauj-e-KHayal us ko kahan le jaegi

    khil rahi hai KHwahishon ki dhup sare jism mein

    aankh kholunga to ye taswir bhi kho jaegi

    bastiyon mein jangalon mein wadiyon mein koh mein

    meri KHushbu meri dhaDkan meri aahaT jaegi

    kitni taswiren mere andar se ubharengi 'KHalil'

    jab teri aawaz kanon se mere Takraegi

    Source:

    Funoon(Jadeed Ghazal Number: Volume-002) (Pg. 797)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now