kabhi aangan kabhi dar kaTta hai
kabhī āñgan kabhī dar kāTtā hai
shab-e-hijrāñ mujhe ghar kāTtā hai
pahuñchnā hai mujhe us paar lekin
mirā rasta samundar kāTtā hai
hasad ahl-e-hunar meñ tauba tauba
suḳhanvar ko suḳhanvar kāTtā hai
kahīñ bhī mutma.in hotā nahīñ dil
mujhe manzar-ba-manzar kāTtā hai
sukūñ dil ko na ho jab 'saif' hāsil
to phūloñ kā bhī bistar kāTtā hai
kabhi aangan kabhi dar kaTta hai
shab-e-hijran mujhe ghar kaTta hai
pahunchna hai mujhe us par lekin
mera rasta samundar kaTta hai
hasad ahl-e-hunar mein tauba tauba
suKHanwar ko suKHanwar kaTta hai
kahin bhi mutmain hota nahin dil
mujhe manzar-ba-manzar kaTta hai
sukun dil ko na ho jab 'saif' hasil
to phulon ka bhi bistar kaTta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
