kabhi bhul kar bhi na baat ki mujhe dil se aisa bhula diya

kabhī bhuul kar bhī na baat kī mujhe dil se aisā bhulā diyā

kahūñ kyā maiñ terī sharārteñ ki jigar ko tū ne jalā diyā

vo banāo karne haiñ baiThte to sabhoñ se lete haiñ ḳhidmateñ

kabhī mal dī missī raqīb ne kabhī surma maiñ ne lagā diyā

ġham-e-ishq kī sunī dāstāñ to kaleja thaam ke yaar ne

ye kahā ki qissa ajiib thā mire dil ko us ne kuḌhā diyā

mire ḳhat ko us ne na jab paḌhā mire nāma-bar ko bhī ġham huā

kahā muddatoñ kā jo aasrā thā vo aaj tum ne miTā diyā

kabhī pūchhā maiñ ne bahisht ko ki batāo to vo hai kis taraf

to 'shabāb' kūcha-e-yār kā mujhe zāhidoñ ne patā diyā

kabhi bhul kar bhi na baat ki mujhe dil se aisa bhula diya

kahun kya main teri shararten ki jigar ko tu ne jala diya

wo banao karne hain baiThte to sabhon se lete hain KHidmaten

kabhi mal di missi raqib ne kabhi surma main ne laga diya

gham-e-ishq ki suni dastan to kaleja tham ke yar ne

ye kaha ki qissa ajib tha mere dil ko us ne kuDha diya

mere KHat ko us ne na jab paDha mere nama-bar ko bhi gham hua

kaha muddaton ka jo aasra tha wo aaj tum ne miTa diya

kabhi puchha main ne bahisht ko ki batao to wo hai kis taraf

to 'shabab' kucha-e-yar ka mujhe zahidon ne pata diya