kabhi hansna kabhi rona kabhi nale hain tere

kabhī hañsnā kabhī ronā kabhī naale haiñ tire

kyā kahūñ haa.e ki sab ruup nirāle haiñ tire

chāñdnī phuul ki ḳhushbū kā tasavvur karnā

naam kuchh bhī rahe ye sab hī havāle haiñ tire

ab to is dil meñ nahīñ kuchh bhī bachā tere sivā

in meñ yādoñ ke na.e zaḳhm jo paale haiñ tire

dasht kā dasht tire hijr meñ chhānā maiñ ne

paañv mere haiñ magar in meñ bhī chhāle haiñ tire

jism meñ aag bhaḌaktī hai tirī qurbat se

dekh ham bhī to yahāñ chāhne vaale haiñ tire

āḳhirī vaqt talak koshisheñ kar kar dekheñ

hijr ke daam meñ uljhe hue chāle haiñ tire

kabhi hansna kabhi rona kabhi nale hain tere

kya kahun hae ki sab rup nirale hain tere

chandni phul ki KHushbu ka tasawwur karna

nam kuchh bhi rahe ye sab hi hawale hain tere

ab to is dil mein nahin kuchh bhi bacha tere siwa

in mein yaadon ke nae zaKHm jo pale hain tere

dasht ka dasht tere hijr mein chhana main ne

panw mere hain magar in mein bhi chhaale hain tere

jism mein aag bhaDakti hai teri qurbat se

dekh hum bhi to yahan chahne wale hain tere

aaKHiri waqt talak koshishen kar kar dekhen

hijr ke dam mein uljhe hue chaale hain tere