kabhi isko kabhi uski gali mein
kabhī is kī kabhī us kī galī meñ
kaTī 'umr-e-'azīz āvārgī meñ
zarūrat kyā hai kuchh kahne kī un se
samajh itnī to hotī hai sabhī meñ
guzāre haiñ hazāroñ saal ham ne
isī do chaar din kī zindagī meñ
burā huuñ maiñ magar kuchh ḳhūbiyāñ bhī
huā kartī haiñ shāyad aadmī meñ
nahīñ jaatī tumhārī yaad barsoñ
badal jaatī hai duniyā do ghaḌī meñ
'sha'ūr' is haal meñ hai aur ḳhush hai
ye be-fikrī nahīñ dekhī kisī meñ
kabhi is ki kabhi us ki gali mein
kaTi 'umr-e-'aziz aawargi mein
zarurat kya hai kuchh kahne ki un se
samajh itni to hoti hai sabhi mein
guzare hain hazaron sal hum ne
isi do chaar din ki zindagi mein
bura hun main magar kuchh KHubiyan bhi
hua karti hain shayad aadmi mein
nahin jati tumhaari yaad barson
badal jati hai duniya do ghaDi mein
'sha'ur' is haal mein hai aur KHush hai
ye be-fikri nahin dekhi kisi mein
- Book : Ab Main Aksar Main Nahi Rehta (Pg. 67)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
