kabhi jalaya gaya to kabhi bujhaya gaya

kabhī jalāyā gayā to kabhī bujhāyā gayā

tamām-umr charāġhoñ ko āzmāyā gayā

abhī vo chāñd falak se utar ke aa.egā

ye ek ḳhvāb hameñ bārhā dikhāyā gayā

kiyā hai pyaas kā shikva jo āsmāñ se to

sulagtī ret kā manzar hameñ dikhāyā gayā

to raaz khulne lage saare ḳhushbuoñ kī tarah

havā ko jab bhī yahāñ rāz-dāñ banāyā gayā

bujhe bujhe se the ashkoñ ke jugnū kal kī shab

tumhāre zikr se āñkhoñ ko jagmagāyā gayā

vahīñ pe raqs bahut vahshatoñ kā thā 'jyotī'

mohabbatoñ kā jazīra jise batāyā gayā

kabhi jalaya gaya to kabhi bujhaya gaya

tamam-umr charaghon ko aazmaya gaya

abhi wo chand falak se utar ke aaega

ye ek KHwab hamein barha dikhaya gaya

kiya hai pyas ka shikwa jo aasman se to

sulagti ret ka manzar hamein dikhaya gaya

to raaz khulne lage sare KHushbuon ki tarah

hawa ko jab bhi yahan raaz-dan banaya gaya

bujhe bujhe se the ashkon ke jugnu kal ki shab

tumhaare zikr se aankhon ko jagmagaya gaya

wahin pe raqs bahut wahshaton ka tha 'jyoti'

mohabbaton ka jazira jise bataya gaya