kabhi jo tafraqa bota nahin hai
kabhī jo tafraqa botā nahīñ hai
vo apnoñ ko kabhī khotā nahīñ hai
sitāre toḌ laanā dil bichhānā
kahā jaatā to hai hotā nahīñ hai
sahar kī fikr meñ mazdūr aksar
sunā hai raat bhar sotā nahīñ hai
hazāroñ ġham mire dil meñ makīñ haiñ
tirā ġham hī to iklautā nahīñ hai
mirā bachcha siyānā hai abhī se
khilaunoñ ke liye rotā nahīñ hai
ye kaisā daur hai ki ab to qātil
lahū shamshīr se dhotā nahīñ hai
'salīm' is daur-e-nau meñ ab koī bhī
kisī ke bojh ko Dhotā nahīñ hai
kabhi jo tafraqa bota nahin hai
wo apnon ko kabhi khota nahin hai
sitare toD lana dil bichhana
kaha jata to hai hota nahin hai
sahar ki fikr mein mazdur aksar
suna hai raat bhar sota nahin hai
hazaron gham mere dil mein makin hain
tera gham hi to iklauta nahin hai
mera bachcha siyana hai abhi se
khilaunon ke liye rota nahin hai
ye kaisa daur hai ki ab to qatil
lahu shamshir se dhota nahin hai
'salim' is daur-e-nau mein ab koi bhi
kisi ke bojh ko Dhota nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
