kabhi jo uski tamanna zara biphar jae

kabhī jo us kī tamannā zarā biphar jaa.e

nasha phir us kī anā kā utar utar jaa.e

charāġh-e-shab meñ to jalne kā hausla hī nahīñ

vo chāhtā hai ki tohmat havā ke sar jaa.e

zamīñ pe ġhalba-e-shaitāñ falak barā-e-malak

bashar ġharīb pareshāñ ki vo kidhar jaa.e

mirī hayāt kā sūraj hai sū-e-ġharb magar

muhāl hai ki mirā zauq-o-shauq mar jaa.e

charāġh-e-zehn jo raushan nahīñ to kuchh bhī nahīñ

vo taare toḌ ke laa.e ki chāñd par jaa.e

kabhi jo us ki tamanna zara biphar jae

nasha phir us ki ana ka utar utar jae

charagh-e-shab mein to jalne ka hausla hi nahin

wo chahta hai ki tohmat hawa ke sar jae

zamin pe ghalba-e-shaitan falak bara-e-malak

bashar gharib pareshan ki wo kidhar jae

meri hayat ka suraj hai su-e-gharb magar

muhaal hai ki mera zauq-o-shauq mar jae

charagh-e-zehn jo raushan nahin to kuchh bhi nahin

wo tare toD ke lae ki chand par jae