kabhi kabhi main unhen dil mein aan rakhta hun

kabhī kabhī maiñ unheñ dil meñ aan rakhtā huuñ

phir ek ḳhvāb meñ donoñ jahān rakhtā huuñ

jab āsmān sabhī ke saroñ pe qaa.em hai

to kis ke vāste maiñ sā.ebān kartā huuñ

maiñ lafz-o-ma.anī badalte hue sar-e-qirtās

palaT ke phir vahī nauha bayān rakhtā huuñ

azal se ek hī nuqsān khā rahā hai mujhe

azal se ḳhud ko faqat rā.egān rakhtā huuñ

sadā-e-kun pe binā aadmī kī rakkhī ga.ī

is ek saut pe maiñ apne kaan rakhtā huuñ

ajiib ramz hai qirtās aur lakīr ke beach

zamīn khīñchtā huuñ āsmān rakhtā huuñ

purānā aks nayā aks ban ke ubhregā

maiñ aa.ine ke muqābil gumān rakhtā huuñ

vo mere vāste kyā kyā sambhāle rakhtā hai

maiñ us ke vāste kis kis kā dhyān rakhtā huuñ

kabhi kabhi main unhen dil mein aan rakhta hun

phir ek KHwab mein donon jahan rakhta hun

jab aasman sabhi ke saron pe qaem hai

to kis ke waste main saeban karta hun

main lafz-o-mani badalte hue sar-e-qirtas

palaT ke phir wahi nauha bayan rakhta hun

azal se ek hi nuqsan kha raha hai mujhe

azal se KHud ko faqat raegan rakhta hun

sada-e-kun pe bina aadmi ki rakkhi gai

is ek saut pe main apne kan rakhta hun

ajib ramz hai qirtas aur lakir ke beach

zamin khinchta hun aasman rakhta hun

purana aks naya aks ban ke ubhrega

main aaine ke muqabil guman rakhta hun

wo mere waste kya kya sambhaale rakhta hai

main us ke waste kis kis ka dhyan rakhta hun