kabhi kabhi teri chahat pe ye guman guzra

kabhī kabhī tirī chāhat pe ye gumāñ guzrā

ki jaise sar se sitāroñ kā sā.ebāñ guzrā

charāġh aise jalā kar bujhā gayā koī

tamām diid kā aalam dhuāñ dhuāñ guzrā

junūn-e-shauq meñ sajdoñ kī aabrū bhī ga.ī

mujhe ḳhabar na huī kab vo āstāñ guzrā

vo merā vahm-e-nazar thā ki terā aks-e-jamīl

vo kaun thā ki jo manzar ke darmiyāñ guzrā

bichhaḌ ke shaam rahī tūl-e-umr tak goyā

Thahar gayā thā jo lamha vo phir kahāñ guzrā

mujhe to chashm-e-gurezāñ bhī iltifāt lagī

tire sitam pe bhī īsār kā gumāñ guzrā

chhupā ke so ga.ī muñh din meñ rahguzār-e-firāq

jo shab huī to ḳhayāloñ kā kārvāñ guzrā

kabhi kabhi teri chahat pe ye guman guzra

ki jaise sar se sitaron ka saeban guzra

charagh aise jala kar bujha gaya koi

tamam did ka aalam dhuan dhuan guzra

junun-e-shauq mein sajdon ki aabru bhi gai

mujhe KHabar na hui kab wo aastan guzra

wo mera wahm-e-nazar tha ki tera aks-e-jamil

wo kaun tha ki jo manzar ke darmiyan guzra

bichhaD ke sham rahi tul-e-umr tak goya

Thahar gaya tha jo lamha wo phir kahan guzra

mujhe to chashm-e-gurezan bhi iltifat lagi

tere sitam pe bhi isar ka guman guzra

chhupa ke so gai munh din mein rahguzar-e-firaq

jo shab hui to KHayalon ka karwan guzra