kabhi kabhi to mohabbat ki zindagi ke liye

kabhī kabhī to mohabbat kī zindagī ke liye

ḳhud un ko ham ne ubhārā hai barhamī ke liye

kiyā hai kaam baḌā zindagī meñ ashkoñ ne

diye jalā.e shab-e-ġham meñ raushnī ke liye

vo aaj bhī haiñ usī tīrgī kī manzil meñ

ujālā maañg ke laa.e jo raushnī ke liye

adā-e-jaur-e-mohabbat meñ nāgavār nahīñ

ḳhulūs chāhiye ai dost barhamī ke liye

ye daur vo hai ki apne haiñ ġhair se bad-tar

kaleja chāhiye apnoñ se dostī ke liye

dalīl-e-azmat-e-insāñ hai ye nizām-e-jahāñ

zamīñ hai gardish-e-paiham meñ aadmī ke liye

hamāre hāl-e-pareshāñ pe kaash ek nazar

bhare haiñ ruup ye ham ne tirī ḳhushī ke liye

ye zindagī bhī ajab zindagī hai kyā kahiye

'matīn' Thokareñ khāte haiñ ham ḳhushī ke liye

kabhi kabhi to mohabbat ki zindagi ke liye

KHud un ko hum ne ubhaara hai barhami ke liye

kiya hai kaam baDa zindagi mein ashkon ne

diye jalae shab-e-gham mein raushni ke liye

wo aaj bhi hain usi tirgi ki manzil mein

ujala mang ke lae jo raushni ke liye

ada-e-jaur-e-mohabbat mein nagawar nahin

KHulus chahiye ai dost barhami ke liye

ye daur wo hai ki apne hain ghair se bad-tar

kaleja chahiye apnon se dosti ke liye

dalil-e-azmat-e-insan hai ye nizam-e-jahan

zamin hai gardish-e-paiham mein aadmi ke liye

hamare haal-e-pareshan pe kash ek nazar

bhare hain rup ye hum ne teri KHushi ke liye

ye zindagi bhi ajab zindagi hai kya kahiye

'matin' Thokaren khate hain hum KHushi ke liye