kabhi KHushbu kabhi aawaz ban jaana paDega

Zulfiqar Aadil

kabhi KHushbu kabhi aawaz ban jaana paDega

Zulfiqar Aadil

MORE BYZulfiqar Aadil

    kabhī ḳhushbū kabhī āvāz ban jaanā paḌegā

    parindoñ ko kisī bhī shakl meñ aanā paḌegā

    ḳhud apne sāmne aate hue hairān haiñ ham

    hameñ ab is galī se ghuum kar jaanā paḌegā

    use ye ghar samajhne lag ga.e haiñ rafta rafta

    parindoñ se qafas āmāda karvānā paḌegā

    udāsī vazn rakhtī hai jagah bhī ghertī hai

    hameñ kamre ko ḳhālī chhoḌ kar jaanā paḌegā

    maiñ pichhle bench par sahmā Darā baiThā huā huuñ

    samajh meñ kyā nahīñ aayā ye samjhānā paḌegā

    yahāñ dāman pe naqsha ban gayā hai āñsuoñ se

    kisī justujū meñ duur tak jaanā paḌegā

    ta.āruf ke liye chehra kahāñ se lā.eñge ham

    agar chehra bhī ho to naam batlānā paḌegā

    kahīñ sandūq tābūt ban jaa.e na ik din

    hifāzat se rakhī chīzoñ ko phailānā paḌegā

    ḳhudā-hāfiz buland āvāz meñ kahnā paḌegā

    phir us āvāz se aage nikal jaanā paḌegā

    jahāñ peshen-goī ḳhatm ho jā.egī āḳhir

    abhī is raah meñ ik aur vīrāna paḌegā

    ye jañgal baaġh hai 'ādil' ye daldal āb-e-jū hai

    kahīñ kuchh hai jise tartīb meñ laanā paḌegā

    kabhi KHushbu kabhi aawaz ban jaana paDega

    parindon ko kisi bhi shakl mein aana paDega

    KHud apne samne aate hue hairan hain hum

    hamein ab is gali se ghum kar jaana paDega

    use ye ghar samajhne lag gae hain rafta rafta

    parindon se qafas aamada karwana paDega

    udasi wazn rakhti hai jagah bhi gherti hai

    hamein kamre ko KHali chhoD kar jaana paDega

    main pichhle bench par sahma Dara baiTha hua hun

    samajh mein kya nahin aaya ye samjhana paDega

    yahan daman pe naqsha ban gaya hai aansuon se

    kisi ki justuju mein dur tak jaana paDega

    taaruf ke liye chehra kahan se laenge hum

    agar chehra bhi ho to nam batlana paDega

    kahin sanduq hi tabut ban jae na ek din

    hifazat se rakhi chizon ko phailana paDega

    KHuda-hafiz buland aawaz mein kahna paDega

    phir us aawaz se aage nikal jaana paDega

    jahan peshen-goi KHatm ho jaegi aaKHir

    abhi is rah mein ek aur virana paDega

    ye jangal bagh hai 'adil' ye daldal aab-e-ju hai

    kahin kuchh hai jise tartib mein lana paDega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY