kabhi mera kabhi tera raha hai

kabhī merā kabhī terā rahā hai

zamāna ek sā kis kā rahā hai

zabān-o-dil hue haiñ jab se paidā

zabān par dil kā afsāna rahā hai

use kyoñ kar samajh leñ dil kī harakat

taḌapte haiñ koī taḌpā rahā hai

rahe itnā ḳhayāl ai chashm-e-sāqī

vahī piitā hai jo piitā rahā hai

ḳhudā jaane bahār aa.e to kyā ho

abhī se dil mirā ghabrā rahā hai

zamāne meñ hamīñ ik nā-samajh haiñ

jise dekho hameñ samjhā rahā hai

laboñ tak aa chukā hai dam hamārā

abhī tak vo masīhā aa rahā hai

ham apne aap hī ko dekhte haiñ

rahā hogā ḳhudā jis kā rahā hai

mirā ghar dekh kar kahne lage vo

yahāñ to koī dīvāna rahā hai

mai-e-nau se ho vo kyā lutf-andoz

sharāb-e-kohna jo piitā rahā hai

kabhi mera kabhi tera raha hai

zamana ek sa kis ka raha hai

zaban-o-dil hue hain jab se paida

zaban par dil ka afsana raha hai

use kyon kar samajh len dil ki harakat

taDapte hain koi taDpa raha hai

rahe itna KHayal ai chashm-e-saqi

wahi pita hai jo pita raha hai

KHuda jaane bahaar aae to kya ho

abhi se dil mera ghabra raha hai

zamane mein hamin ek na-samajh hain

jise dekho hamein samjha raha hai

labon tak aa chuka hai dam hamara

abhi tak wo masiha aa raha hai

hum apne aap hi ko dekhte hain

raha hoga KHuda jis ka raha hai

mera ghar dekh kar kahne lage wo

yahan to koi diwana raha hai

mai-e-nau se ho wo kya lutf-andoz

sharab-e-kohna jo pita raha hai