kabhi milte the wo humse zamana yaad aata hai

Nizam Rampuri

kabhi milte the wo humse zamana yaad aata hai

Nizam Rampuri

MORE BY Nizam Rampuri

    kabhī milte the vo ham se zamāna yaad aatā hai

    badal kar vaz.a chhup kar shab ko aanā yaad aatā hai

    vo bāteñ bholī bholī aur vo shoḳhī naaz o ġhamza

    vo hañs hañs kar tirā mujh ko rulānā yaad aatā hai

    gale meñ Daal kar bāñheñ vo lab se lab milā denā

    phir apne haath se sāġhar pilānā yaad aatā hai

    badalnā karvaT aur takiya mire pahlū meñ rakh denā

    vo sonā aap aur merā jagānā yaad aatā hai

    vo sīdhī ulTī ik ik muñh meñ sau sau mujh ko kah jaanā

    dam-e-bosa vo terā ruuTh jaanā yaad aatā hai

    tasallī ko dil-e-betāb merī dam-e-ruḳhsat

    na.ī qasmeñ vo jhūTī jhūTī khānā yaad aatā hai

    vo rashk-e-ġhair par ro ro ke hichkī merī bañdh jaanā

    fareboñ se vo terā shak miTānā yaad aatā hai

    vo merā chauñk chauñk uThnā sahar ke ġham se aur terā

    lagā kar apne siina se sulānā yaad aatā hai

    kabhī kuchh kah ke vo mujh ko rulānā us sitamgar

    phir āñkheñ nīchī kar ke muskurānā yaad aatā hai

    kabhi milte the wo hum se zamana yaad aata hai

    badal kar waza chhup kar shab ko aana yaad aata hai

    wo baaten bholi bholi aur wo shoKHi naz o ghamza ki

    wo hans hans kar tera mujh ko rulana yaad aata hai

    gale mein Dal kar banhen wo lab se lab mila dena

    phir apne hath se saghar pilana yaad aata hai

    badalna karwaT aur takiya mere pahlu mein rakh dena

    wo sona aap aur mera jagana yaad aata hai

    wo sidhi ulTi ek ek munh mein sau sau mujh ko kah jaana

    dam-e-bosa wo tera ruTh jaana yaad aata hai

    tasalli ko dil-e-betab ki meri dam-e-ruKHsat

    nai qasmen wo jhuTi jhuTi khana yaad aata hai

    wo rashk-e-ghair par ro ro ke hichki meri bandh jaana

    farebon se wo tera shak miTana yaad aata hai

    wo mera chaunk chaunk uThna sahar ke gham se aur tera

    laga kar apne sina se sulana yaad aata hai

    kabhi kuchh kah ke wo mujh ko rulana us sitamgar ka

    phir aankhen nichi kar ke muskurana yaad aata hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY