kabhi shaKH o sabza o barg par kabhi ghuncha o gul o Khaar par

Jigar Moradabadi

kabhi shaKH o sabza o barg par kabhi ghuncha o gul o Khaar par

Jigar Moradabadi

MORE BYJigar Moradabadi

    kabhī shāḳh o sabza o barg par kabhī ġhuncha o gul o ḳhaar par

    maiñ chaman meñ chāhe jahāñ rahūñ mirā haq hai fasl-e-bahār par

    mujhe deñ na ġhaiz meñ dhamkiyāñ gireñ laakh baar ye bijliyāñ

    mirī saltanat ye āshiyāñ mirī milkiyat ye chaar par

    jinheñ kahiye ishq vus.ateñ jo haiñ ḳhaas husn azmateñ

    ye usī ke qalb se pūchhiye jise faḳhr ho ġham-e-yār par

    mire ashk-e-ḳhūñ bahār hai ki muraqqa-e-ġham-e-yār hai

    mirī shā.irī bhī nisār hai mirī chashm-e-sehr-nigār par

    ajab inqilāb-e-zamāna hai mirā muḳhtasar fasāna hai

    yahī ab jo baar hai dosh par yahī sar thā zānu-e-yār par

    ye kamāl-e-ishq sāzisheñ ye jamāl-e-husn nāzisheñ

    ye ināyateñ ye navāzisheñ mirī ek musht-e-ġhubār par

    mirī samt se use ai sabā ye payām-e-āḳhir-e-ġham sunā

    abhī dekhnā ho to dekh ki ḳhizāñ hai apnī bahār par

    ye fareb-e-jalva hai sar-ba-sar mujhe Dar ye hai dil-e-be-ḳhabar

    kahīñ jam na jaa.e tirī nazar inhīñ chand naqsh o nigār par

    maiñ rahīn-e-dard sahī magar mujhe aur chāhiye kyā 'jigar'

    ġham-e-yār hai mirā shefta maiñ farefta ġham-e-yār par

    kabhi shaKH o sabza o barg par kabhi ghuncha o gul o KHar par

    main chaman mein chahe jahan rahun mera haq hai fasl-e-bahaar par

    mujhe den na ghaiz mein dhamkiyan giren lakh bar ye bijliyan

    meri saltanat ye hi aashiyan meri milkiyat ye hi chaar par

    jinhen kahiye ishq ki wusaten jo hain KHas husn ki azmaten

    ye usi ke qalb se puchhiye jise faKHr ho gham-e-yar par

    mere ashk-e-KHun ki bahaar hai ki muraqqa-e-gham-e-yar hai

    meri shairi bhi nisar hai meri chashm-e-sehr-nigar par

    ajab inqilab-e-zamana hai mera muKHtasar sa fasana hai

    yahi ab jo bar hai dosh par yahi sar tha zanu-e-yar par

    ye kamal-e-ishq ki sazishen ye jamal-e-husn ki nazishen

    ye inayaten ye nawazishen meri ek musht-e-ghubar par

    meri samt se use ai saba ye payam-e-aKHir-e-gham suna

    abhi dekhna ho to dekh ja ki KHizan hai apni bahaar par

    ye fareb-e-jalwa hai sar-ba-sar mujhe Dar ye hai dil-e-be-KHabar

    kahin jam na jae teri nazar inhin chand naqsh o nigar par

    main rahin-e-dard sahi magar mujhe aur chahiye kya 'jigar'

    gham-e-yar hai mera shefta main farefta gham-e-yar par

    Videos
    This video is playing from YouTube

    Videos
    This video is playing from YouTube

    Asha Bhosle

    Asha Bhosle

    RECITATIONS

    Nomaan Shauque

    Nomaan Shauque

    Nomaan Shauque

    kabhi shaKH o sabza o barg par kabhi ghuncha o gul o Khaar par Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY