kabhi to aao meri chashm-e-tar mein sham Dhale

kabhī to aao mirī chashm-e-tar meñ shaam Dhale

ki koī aatā nahīñ is nagar meñ shaam Dhale

maiñ apne chehre pe ḳhushiyāñ sajā.e phirtā huuñ

charāġh jalte haiñ ashkoñ ke ghar meñ shaam Dhale

maiñ ban ke chāñd use rāsta dikhātā rahūñ

kabhī to mujh ko mile vo safar meñ shaam Dhale

na aa.ī raas hameñ aap kī masīhā.ī

ki dard uThtā hai ab bhī jigar meñ shaam Dhale

ye ek aur shikāyat bhī tujh se karnī thī

ki chāñd aatā nahīñ mere ghar meñ shaam Dhale

'ḳhalīl' vahm hai merā yā bad-havāsī hai

yahāñ pe sub.h chale aur nazar meñ shaam Dhale

kabhi to aao meri chashm-e-tar mein sham Dhale

ki koi aata nahin is nagar mein sham Dhale

main apne chehre pe KHushiyan sajae phirta hun

charagh jalte hain ashkon ke ghar mein sham Dhale

main ban ke chand use rasta dikhata rahun

kabhi to mujh ko mile wo safar mein sham Dhale

na aai ras hamein aap ki masihai

ki dard uThta hai ab bhi jigar mein sham Dhale

ye ek aur shikayat bhi tujh se karni thi

ki chand aata nahin mere ghar mein sham Dhale

'KHalil' wahm hai mera ya bad-hawasi hai

yahan pe subh chale aur nazar mein sham Dhale