kabhi to KHwab kabhi ratjage se baaten kin

Adnan Mohsin

kabhi to KHwab kabhi ratjage se baaten kin

Adnan Mohsin

MORE BYAdnan Mohsin

    kabhī to ḳhvāb kabhī ratjage se bāteñ kiiñ

    tire gumān meñ ham ne diye se bāteñ kiiñ

    ridā-e-shab pe na.e tarz se visāl likhā

    bichhaḌne vāloñ ne ik dūsre se bāteñ kiiñ

    rahī na yāroñ se ummīd ġham-gusārī

    ghar aa.e girya kiyā aa.ine se bāteñ kiiñ

    ajab mazāq hai ham ne ḳhudā ke dhoke meñ

    tamām umr kisī vasvase se bāteñ kiiñ

    janāb-e-shaiḳh se ik baar sāmnā ho jaa.e

    karegā yaad kisī sar-phire se bāteñ kiiñ

    bahut adaq thiiñ ibārāt zindagānī

    zarā der ruke hāshiye se bāteñ kiiñ

    hamāre hoñToñ pe pur-lutf qahqahe bikhre

    hamārī āñkhoñ ne kitne maze se bāteñ kiiñ

    chale to chalte ga.e haath thaam kar chup-chāp

    judā hue to bahut rāste se bāteñ kiiñ

    kabhi to KHwab kabhi ratjage se baaten kin

    tere guman mein hum ne diye se baaten kin

    rida-e-shab pe nae tarz se visal likha

    bichhaDne walon ne ek dusre se baaten kin

    rahi na yaron se ummid gham-gusari ki

    ghar aae girya kiya aaine se baaten kin

    ajab mazaq hai hum ne KHuda ke dhoke mein

    tamam umr kisi waswase se baaten kin

    janab-e-shaiKH se ek bar samna ho jae

    karega yaad kisi sar-phire se baaten kin

    bahut adaq thin ibaraat zindagani ki

    zara si der ruke hashiye se baaten kin

    hamare honTon pe pur-lutf qahqahe bikhre

    hamari aankhon ne kitne maze se baaten kin

    chale to chalte gae hath tham kar chup-chap

    juda hue to bahut raste se baaten kin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY