kabhi to nazar-e-karam mujh pe KHub-ru karte

kabhī to nazar-e-karam mujh pe ḳhūb-rū karte

tamām umr kaTī un kī aarzū karte

ḳhudī ko Thes na lagtī laboñ kī jumbish se

nigāh-e-nāz se vo mujh se guftugū karte

chaman se guzrā bahāroñ kā qāfila lekin

ham apne chāk-garebāñ kahāñ rafū karte

hamāre ghar jo kabhī jān-e-māh-rū aatā

to us ke qadmoñ pe qurbān aarzū karte

nigāheñ un se milīñ tab ye jā ke ham samjhe

shabāb yuuñ hī gañvāyā hai justujū karte

yahāñ to soz-e-tamannā meñ aañkh suukh chalī

rahī tamanna ki ashkoñ se ham vuzū karte

zafar banā lo kisī ko bhī rāz-dāñ apnā

tamām umr kaTī dil se guftugū karte

kabhi to nazar-e-karam mujh pe KHub-ru karte

tamam umr kaTi un ki aarzu karte

KHudi ko Thes na lagti labon ki jumbish se

nigah-e-naz se wo mujh se guftugu karte

chaman se guzra bahaaron ka qafila lekin

hum apne chaak-gareban kahan rafu karte

hamare ghar jo kabhi jaan-e-mah-ru aata

to us ke qadmon pe qurban aarzu karte

nigahen un se milin tab ye ja ke hum samjhe

shabab yun hi ganwaya hai justuju karte

yahan to soz-e-tamanna mein aankh sukh chali

rahi tamanna ki ashkon se hum wuzu karte

zafar bana lo kisi ko bhi raaz-dan apna

tamam umr kaTi dil se guftugu karte