kaDi hai dhup kare kis tarah safar koi
kaḌī hai dhuup kare kis tarah safar koī
nahīñ hai raah meñ ab duur tak shajar koī
maiñ apne shahr meñ phirtā huuñ ajnabī kī tarah
ajab nigāh se taktā hai mujh ko har koī
tamām-umr maiñ ḳhud apne aap meñ gum thā
talāsh kartā rahā mujh ko umr-bhar koī
maiñ ek rāhguzar kī talāsh meñ huuñ magar
talāsh kartī hai mujh ko bhī rahguzar koī
maiñ barguzīda buzurgoñ kī ik nishānī huuñ
mujhe bhī dekh le jī-bhar ke ik nazar koī
hamārī bastī meñ kahne ko log baste haiñ
makān chāroñ taraf haiñ nahīñ hai ghar koī
kaDi hai dhup kare kis tarah safar koi
nahin hai rah mein ab dur tak shajar koi
main apne shahr mein phirta hun ajnabi ki tarah
ajab nigah se takta hai mujh ko har koi
tamam-umr main KHud apne aap mein gum tha
talash karta raha mujh ko umr-bhar koi
main ek rahguzar ki talash mein hun magar
talash karti hai mujh ko bhi rahguzar koi
main barguzida buzurgon ki ek nishani hun
mujhe bhi dekh le ji-bhar ke ek nazar koi
hamari basti mein kahne ko log baste hain
makan chaaron taraf hain nahin hai ghar koi
Source:
Neend Shart Nahin (Pg. 113)
- Author: Khawaja Jawed Akhtar
-
- Edition: 2010
- Publisher: Shabkhoon Kitabghar Allahabad
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
