kaDi thi dhup to saya uDa gaya wo shaKHs

kaḌī thī dhuup to saaya uḌā gayā vo shaḳhs

siyah thī raat to mash.al jalā gayā vo shaḳhs

masīhā ban ke jo marham ba-dast aayā thā

kuchh aur dard ko mere baḌhā gayā vo shaḳhs

guzar ke jaañ se mohabbat ke rāste meñ aaj

alam-kashoñ ko rah-e-nau dikhā gayā vo shaḳhs

sunā ke dard bharī dāstāñ mazālim kī

sabhoñ ko ḳhuun ke aañsū rulā gayā vo shaḳhs

vo jis ke vāste phūloñ kī sej rakhte the

hamārī raah meñ kāñTe bichhā gayā vo shaḳhs

maiñ jis ke vāste sheroñ ke jaal buntā thā

mirī ġhazal sar-e-mahfil sunā gayā vo shaḳhs

kaDi thi dhup to saya uDa gaya wo shaKHs

siyah thi raat to mashal jala gaya wo shaKHs

masiha ban ke jo marham ba-dast aaya tha

kuchh aur dard ko mere baDha gaya wo shaKHs

guzar ke jaan se mohabbat ke raste mein aaj

alam-kashon ko rah-e-nau dikha gaya wo shaKHs

suna ke dard bhari dastan mazalim ki

sabhon ko KHun ke aansu rula gaya wo shaKHs

wo jis ke waste phulon ki sej rakhte the

hamari rah mein kanTe bichha gaya wo shaKHs

main jis ke waste sheron ke jal bunta tha

meri ghazal sar-e-mahfil suna gaya wo shaKHs