kah gaya kuchh to zer-e-lab koi

Mushafi Ghulam Hamdani

kah gaya kuchh to zer-e-lab koi

Mushafi Ghulam Hamdani

MORE BYMushafi Ghulam Hamdani

    kah gayā kuchh to zer-e-lab koī

    jaan detā hai be-sabab koī

    jaave qāsid udhar to ye kahiyo

    raah taktā hai roz o shab koī

    go ki āñkhoñ meñ apnī aave jaan

    muñh dikhātā hai ham ko kab koī

    ban gayā huuñ maiñ sūrat-e-dīvār

    sāmne aa gayā hai jab koī

    garche ham saa.e us parī ke rahe

    na milā jhāñkne Dhab koī

    had ḳhush aayā ye sher-e-'mīr' mujhe

    kar ke laayā thā muntaḳhab koī

    ab ḳhudā maġhfirat kare us

    'mīr' marhūm thā ajab koī

    ai falak us ko ġhanīmat jaan

    'mus.hafī' nahīñ hai ab koī

    kah gaya kuchh to zer-e-lab koi

    jaan deta hai be-sabab koi

    jawe qasid udhar to ye kahiyo

    rah takta hai roz o shab koi

    go ki aankhon mein apni aawe jaan

    munh dikhata hai hum ko kab koi

    ban gaya hun main surat-e-diwar

    samne aa gaya hai jab koi

    garche hum sae us pari ke rahe

    na mila jhankne ka Dhab koi

    had KHush aaya ye sher-e-'mir' mujhe

    kar ke laya tha muntaKHab koi

    ab KHuda maghfirat kare us ki

    'mir' marhum tha ajab koi

    ai falak us ko tu ghanimat jaan

    'mushafi' sa nahin hai ab koi

    Source
    • Book : kulliyat-e-mas.hafii(shashum) (Pg. 382)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY